Teikna av Camilla Myking Isdahl |
Teikningar frå Ytre Arna og Arne Fabrikker, 2005
Det er Camilla Myking Isdahl frå Arnatveit si teikning av Industrihuset i Ytre Arna som prydar forsida av 2005-utgåva av Mål og Miljø. Camilla går i klasse 2FOTFB ved Garnes Vidaregåande skule. Mål og Miljø har dei siste åra kvar haust utlyst teiknekonkurranse mellom elevane ved skulen, der dei får oppgitt eit konkret tema. I år var temaet Ytre Arna, fabrikken der.
”Camilla har fått fram det som blant folk flest oppfattast som stemninga i fabrikkstaden i 2005 med sin heller dystre teikning av ”symbolbygget” i Ytre Arna”, heiter det mellom anna frå juryen. Vinnaren får diplom og ei pengegåve på kr. 1000,- frå Arna Mållag og Mål og Miljø. Gratulerer Camilla!
Tre andre teikningar merkte seg også ut, og vil truleg verta nytta som illustrasjonar i neste utgåve av Arna Mållag sitt årsskrift. Desse teikningane er laga av Kaspar Vigestad, Marita Monsen og Marianne Lavik.
Redaksjonen
|
